Gazteok… benetan nahi al dugu mundua aldatu? Eta, bestetik: zergatik alboratu dugu paperezko komunkazioa, sarearen alde? Euskadiko Gazteriaren Kontseilutik Bilboko Tas Tas irrati librean egiten dugun Gazte Borraste irratsaioan bi galdera horiek mahai-gaineratu ditugu, EHU-ko Komunikazio Zientzien Fakultateko ikasleek gazte solasaldietarako hala proposatuta.
Oraingoan ere, Leioako ikasleak protagonista izan dira eta haien iritziak entzun ditugu eurek egindako mahai-inguruetan. Mikroetan, Txema Ramírez de la Piscina, Ziortza Gezuraga, Aintzane Larrañaga, Miriam Juaristi, Mikel Lizarazu, Eneritz Larrea, Nagore Llorens eta Asier Lekue.