ONGI ETORRI WEB BERRIRA

20 February, 2013

Batzarrean ikusiko dugu elkar!

Denok elkarren berri izateko unea iritsi da! Euskadiko Gazteriaren Kontseilutik, gure Urteko Batzar Orokorra deitu dugu. Bertara, EGK osatzen duzuen elkarte guztiak zaudete deituta. Elkar ikusiko dugu ezta?

  • Noiz? martxoaren 16an, larunbata, goizez eta arratsaldez. Ordutegia hobeto zehaztuko dugu.
  • Non? Gasteizko Judimendi gizartetxean.
  • Zer? Batzarrean, urtean zehar EGKren jarduna zuzentzen duen Batzorde Iraunkorreko kide berriak aukeratzeko unea izango da, presidentea barne. Bestalde, 2012ko memoria eta 2013ko plangintza eztabaidatuko ditugu. Eta, nola ez: elkarte berrien sarreraren inguruan bozkatuko dugu

Batzarrera oso galduta ez iristeko, hiru topaketa egingo ditugu aldez aurretik:

ARABA: Otsailaren 27an, asteazkena, 18.30etan Gasteizko EGK-ko egoitzan (Ramiro de Maeztu 15, behea).

BIZKAIA: Martxoaren 6an, asteazkena, 18.30etan EGK-ko Bilboko egoitzan (Autonomia 44, behea).

GIPUZKOA: Otsailaren 26an, asteartea, 18.30etan Donostiako EGK-ko egoitzan (Andia 11 nagusia, lehenengo solairua).

Zure elkartea EGK-ko kide bada, xehetasun guztiak jasoko dituzue e-mailean.

Gazteriaren Kontseiluko kide ez bazarete, baina parte-hartzeko aukera aztertzen ari baldin bazarete, idatzi koordinatzaile@egk.eus helbidera.

Laster arte! Batzarrean ikusiko dugu elkar!

Iruzkin bat

Zure e-posta ez da argitaratuko. * Eremuak ezin du hutsik egon .

This site uses Akismet to reduce spam. Learn how your comment data is processed.