Girl azaroaren 26an Hika Ateneon - Euskadiko Gazteriaren Kontseilua

Girl azaroaren 26an Hika Ateneon

2019an zehar #BazterretikErdira zineforumaren bitartez hainbat hausnarketa lortu ditugu eta oso gustura gaude mahai gainean jarritako guztiarekin. Sexualitatea eta honen aniztasuna lantzen duten filmen bitartez eredu hegemonikoa zalantzan jartzea baitzen asmoa. Izan ere, Euskadiko Gazteriaren Kontseiluan (EGK) gorputz eta identitate anitz barnebiltzen dituen gizartea nahi dugu. Orain arte jorratutako guztia biribiltzeko azaroaren 26an Girl filma proiektatuko dugu Hika Ateneon. Eman izena hemen!

Lara, dantzari profesionala izan nahi duen 15 urte gazte transexuala, bere aita eta anai txikiarekin etxez aldatzen da izen handiko dantza akademia batean ikasle modura aritzeko. Filmak Larak bizi duen prozesua islatzen du: Sexu-berresleipenerako ebakuntzari begira prestatzeko ordezkapen hormonaleko terapia. Lara oso frustratua dago tratamenduaren moteltasunagatik eta, gainera, ikaskideen jazarpena pairatzen du.

Azaroaren 26an

Girl Lukas Dhontek 2018an zuzendutako film belgikarra da. Izendapen eta sari andana jaso zituen, besteak beste, Donostiako Zinemaldiko publikoaren saria.

Edozein zalantzarekin berdintasuna@egk.eus helbidera idatzi edo 94 44 36 143 / 615 749 929 (Irati) zenbakira deitu. Eta ez ahaztu! Eman izena hemen.

Gogoratu! Euskadiko Gazteriaren Kontseiluko (EGK) lantaldeak 18-30 urte bitarteko gazteei zuzenduta daude. Gainera, EGK-k bertaratzeko erabiliko diren garraio publikoko gastuak ordaintzen ditu.

#BazterretikErdira zineforuma

Zinemak ideiak islatzeko duen indarra nabarmena da eta horregatik #BazterretikErdira zineforumaren bitartez sexualitatea eta honen aniztasuna landu duten hainbat film jorratu nahi izan ditugu. Gorputz eta identitate anitz barnebiltzen dituen gizartea nahi dugulako, pelikuletan planteatutako gaiei buruz hausnartzea da osteko eztabaidaren helburua. Zehazki zer egin dugun jakin nahi baduzu, hauek dira aurrez proiektatu ditugun filmak:

Iruzkin bat

Zure e-posta ez da argitaratuko. * Eremuak ezin du hutsik egon .

This site uses Akismet to reduce spam. Learn how your comment data is processed.