Euskadiko Gazteriaren Kontseiluak (EGK) pasa den ekainaren 29an Bilbon antolatutako #GukEzetz jardunaldiko argazkiak dituzu jarraian. Batetik, RECacciona ‘Berdintasun ezari… #GukEzetz’ bideo lehiaketan parte hartu duten bideoak proiektatu genituen eta sari-banaketa egin; bestetik, udari begira Indarkeria Matxistari #GukEzetz esateko kanpaina aurkeztu genuen. Bi proiektuak Berdintasun lan-arloak gidatu ditu. Gurekin harrematen jarri nahi izanez gero, idatz iezaguzu berdintasuna@egk.org helbide elektronikora. Zure proposamen, ideia, burutazio, iradokizun eta kexek (bai, bai, hemen autokritikarako ez dago beldurrik) hobetzen lagunduko digute. Ziur!
Eguneko informazio gehiago nahi izanez gero, hemen duzu jardunaldiko laburpen albistea. Mila esker bideo lehiaketan parte hartu duzuen guztioi, kanpainarako ekarpenak egin dituzuenoi eta nola ez #GukEzetz jardunaldira bertaratu zinetenoi.
