Atzo, urriak 3, Euskadiko Gazteriaren Kontseiluak (EGK), Gasteizko Udalarekin elkarlanean eta Eusko Jaurlaritzaren laguntzarekin Eta gazteon emantzipazioa? Hiruburua antolatu zuen Gasteizko Landatxo Gizarte Etxean. Albiste amaieran dituzu argazkiak.
Egun etxebizitza eredu nagusia bikotekidearekin joatea da; hala egiten du 16-29 urte bitarteko gazte emantzipatuen %58,7ak. Errealitate honetatik eta egoera sozioekonomikotik abiatuta gaia jorratu eta aukera berriak landu genituen, arreta berezia ezarriz Gasteizko gazteek emantzipazio prozesua nola bizi duten eta zein oztopo aurkitzen dituzten. Hiru bloke hauek jorratu genituen:
- Gasteizko Udalak dituen emantzipatzeko neurri eta programak.
- Etxebizitza eredu desberdinak: Belaunaldi arteko eta etxebizitza komunitarioen ereduak.
- Gasteizerako proposamen bat eraikitzen.
Izan ere, batez besteko alokairua 1070,1€koa da Gasteizen. Hiruhilekoz hiruhileko, urtez urte, prezioa gora doa eta aditu batzuen arabera alokairu burbuilaren aurrean gaude. Hori dela-eta, EGK etxebizitza-eredu berriak ezagutzeko eta aztertzeko beharra azpimarratu nahi dugu: alokairu soziala, pisu solidarioak, co-housing-a edo belaunaldi arteko elkarbizitza, besteak beste.
Eta gazteon emantzipazioa? Hiruburua
Dinamika honetan hiru protagonista —gazteak, kargu politikoak eta teknikoak— gai zehatz bat jorratzeko mahai baten inguruan elkartzen dira. Oso aberasgarria iruditzen zaigu honela ikuspegi anitzak elkarlanean aritu daitezkeelako. Gainera, belaunaldi arteko elkarbizitzaren esperientzia bat izan genuen bertan.
