Urtarrilean aurkeztu genuen Etikasi programaren barnean 2019ko uztailean Belfastera egindako bidaia hezitzaileen argazkiak dituzu jarraian. Unibertsitateko lehen mailako eta Lanbide Heziketako Erdi eta Goi mailako zikloetako ikasleekin Peace Walls (bakearen harresiak) deituak, Crumlid Road kartzela, Derry herrya edo Tower Museum-a bisitatu genituen. Helburua bertan gertatutakoa lehen eskutik ikustea zen, liburuetan ikasitakoari esperientzia gehitu eta etika eta giza eskubideez hausnartzeko.
Guretzat egun oso bereziak izan dira bai ikusi dugun guztiagatik baita horri esker dinamiketan sortu diren hausnarketengatik. Aurrez, proiektua diseinatzean, oso argi genuen Etikasin egingo diren bidaia hezitzaileak oso baliagarriak izango direla. Bost egun hauen ostean jada ez dugu inolako zalantzarik eta, gainera, Belfastera egindako bidaiaren ostean gure lan-ildoa baieztatu eta sendotu duen lehen esperientzia dugu.
Albiste honetan bost egun horietan egindakoaren laburpena egin dizugu. Bidaia hezitzaileei buruz, Etikasi programari buruz edo Euskadiko Gazteriaren Kontseiluko (EGK) bake eta bizikidetza lan-arloan egiten dugunari buruz gehiago jakin nahi baduzu, ez izan zalantzarik eta idatzi bakea@egk.eus helbide elektronikora edo deitu 943 42 97 67 telefono zenbakira.
