‘Eta gazteok, zer diogu?’ Lelo hori erabili dute Marasma Saretzen egitasmoko armiarmatxoak Euskal Herriko bazter guztietan jakinmina pizteko. Euskadiko Gazteriaren Kontseiluak (EGK) Tas Tas irrati librean egiten dugun GAZTE BORRASTE irratsaioan ere jakinmina genuen, eta… hara, bi araknido estudioan sartu zaizkigunean! ArmiarMan eta MarasmaWoman dira beraiek. “Sareak botatzera” etorri dira, eta Marasma Saretzen zertan datzan kontatu digute.
Horrez gain, EGK-ko Berdintasun Teknikari den Tamara Arroyok iritzi zutabe bat utzi digu postontzian. Honelaxe dio gutunazalean: Non daude emakume gazteak?
Beraz… Gazte Borrasten nahasteko prest? Sakatu PLAYa!
(Eta bertsio laburra nahiago baduzu, klikatu hemen)
Zer iruditu zaizu? Beti bezala, bidali zure iritzia komunika@egk.org helbide elektronikora