Oraindik ez duzu udarako planik? Euskadiko Gazteriaren Kontseiluaren baitan astialdi hezitzaileko taldeak koordinatzen dituen Astialdi Foroak hamaika proposamen ditu zuretzat. Dagoeneko kaleratu du 2010eko udaleku, kanpaleku eta beste hamaika opor-ekintzen agenda, ezizenez desplegablea. Hiru dauzkazu: EAEko lurralde bakoitzeko, bat (ekintzen antolatzaileen jatorriaren arabera). Kanpaldi tradizionalak, ingelerazko udalekuak, opor ibiltariak, atzerrira ihesaldiak, auzolandegiak… hamaika aukera daukazu zure zain; eta zu, zeren zain zaude?
– Arabako desplegablea.
– Bizkaiko desplegablea.
– Gipuzkoako desplegablea.
Astialdia astindu!
P.D.: Desplegable hauek, kanpaina handiago baten baitan argitaratu dira: alegia, Mundua txikituko duen belaunaldia proiektuaren bihotzean. Gehiago jakin nahi baduzu…
