Eusko Legebiltzarrak onartutako Haur eta Nerabeen Legean, hezkuntza ez-formaleko esparruetan, haur eta nerabeen babeserako protokoloak sortu behar direla ezartzen da, talde barruan gerta daitezkeen edo antzeman daitezkeen tratu onen aurkakoak diren egoerei aurre egiteko.
Euskadiko Gazteriaren Kontseiluak (EGK), hainbat espaziotan identifikatutako kezkei erantzuteko, apirilaren 9an, 17:00etatik 19:30era, Donostiako Gaztegunean egingo den tratu onen eta babes-protokoloen inguruko formakuntza antolatu du. Saioa UNICEF eta EDE Fundazioko adituek eskainiko dute eta begirale gazteei eta astialdi esparruko beste eragileei zuzenduta dago. Helburu nagusia gai horiei buruz hausnartzeko eta protokolo horien ezarpenaren inguruko inplikazioak ezagutzeko gunea sortzea izango da.
Formakuntzan izena emateko azken eguna apirilaren 7a da, eta izen-ematea galdetegi honen bidez egin behar da.
Informazio gehiago nahi izanez gero, deitu 747442774 (Iratxe) telefonora edo idatzi astialdi@egk.eus helbidera.