2026an, Saharako Errepublika Arabiar Demokratikoaren 50. urteurrena ospatuko dugu, eta zure sormena eta elkartasuna adieraztera gonbidatu nahi zaitugu, olerki eta bertso lehiaketaren bidez: “Erresistentziaren ahotsak”.
16 eta 30 urte bitartean badituzu, hauxe da saharar herriaren historiari eta borrokari ahotsa emateko aukera!
Nola parte hartu?
- Idatzi Saharako erresistentziari, kulturari, historiari edo borrokari buruzko olerki edo bertso bat.
- Bidali zure lana zure datuekin bakea@egk.eus helbidera: izen-abizenak, jaioteguna, telefonoa eta harremanetarako helbide elektronikoa.
- Lanak edozein hizkuntzatan idatzi daitezke, betiere euskararako edo gaztelariarako itzulpenarekin batera.
Ebaluazioa eta sariak
Hiru irabazle egongo dira, eta bakoitzak bi sarrera jasoko ditu Saharari Kantari kontzerturako:
- Publikoaren saria Instagramen: boto gehien jasotzen dituen lana. Bozkatzeko aukera otsailak 23an hasiko da eta 24an amaitu.
- Originaltasunaren saria: barne epaimahai batek aukeratua. Ebazpena otsailaren 25ean argitaratuko da.
- Hausnarketa onenaren saria: barne epaimahai berak aukeratua. Ebazpena otsailaren 25ean argitaratuko da.
Sariak jasotzeko EGK-ko Bilboko bulegotik (Autonomia 44, behea) pasa beharko dira irabazleak.
Funtsezko datak:
- Otsailaren 20ra arte (23:59): zure obra bidaltzeko epea.
- Otsailak 23: Instagrameko bozketa ireki publikoaren sarirako.
- Otsailak 24: publikoaren irabazlearen ebazpena.
- Otsailak 25: originaltasunaren eta hausnarketaren irabazleen ebazpena.
- Otsailaren 28an: Saharari Kantari Kontzertura joatea (Euskalduna Jauregia).
Ez galdu aukera ospakizun honen parte izateko eta saharar herriari elkartasuna adierazteko!