18 eta 30 urte bitartean dituzu, EAEkoa zara edo bertan bizi zara? Esperientzia berrien bila zabiltza? Lurraldez gaindiko proiektu batean parte hartu nahi baduzu hau da zure aukera! Animatu!
Pirinioez gaindiko Gazteen Foroan, parte-hartzaileek beren lurraldeetan bizi diren errealitate desberdinak eta antzematen dituzten beharrak eta gabeziak aurkeztu eta eztabaidatu ahal izango dituzte. Aldi berean, landutako behar eta gabeziak hornitu edo arintzeko neurriak zein ekintzak proposatuko dira elkarren artean partekatzeko.
Topaketan parte hartzeko izena eman galdetegi honen bitartez. Foru transpirenaikoaren edizio berri hau 2024ko azaroaren 22-25 birtartean egingo da Okzitaniako Toulouse herrian. Topaketako (bidaia, mantenua, ostatua…) gastu guztiak ordainduko dira.
Edizio berri honetan, enplegagarritasuna, gazteen mugikortasuna eta etorkizuneko ibilibideak Pirinioetan landuko da. Hamar pertsonako talde bat sortzea bilatzen da, kopuru hori baino gazte gehiago apuntatuko balira, hautaketa prozesu bat jarriko litzateke martxan.
Proiektu honi buruzko informazio gehiago behar izanez gero, Euskadiko Gazteriaren Kontseiluko partaidetza lan-arloko helbide elektronikora idatz dezakezu: partehartze@egk.eus edo 944 43 61 43 zenbakira deitu.