Euskadiko Gazteriaren Kontseiluaren (EGK) Kontzientzia Eragozpena jorratzen duen Lan Batzordea honako helburu nagusiekin eratzen da: ‘Kontzientzia Eragozpena zer den eta zer esan nahi duen ezagutzera eman, horrela euskal gazteek eskubide hau erabili dezaten. Horregatik, Euskal Herriko Gazte Kontseiluak, Kontzientzia Eragozpenari buruzko kanpaina jarraituz, euskal gaztediak dituen kezka guztiak argitzeko material berri hau argitaratzen du. Azken urte hauetako gertakizunen aurrean (intsumisioak, eragozle kopuruaren igoera, Ordeko Zerbitzu Zibila martxan jartzeko saioak, Golkoko Guda, e. a.) dosier honek hobeto hausnartzeko eta Zerbitzu Militarraren aurrean zer nolako erabakia hartu lagun diezazun espero dugu. Azken finean, Kontzientzi Eragozpenak Bake eta Justiziaren lorpenerako tresna baliogarri bat dela ulertzen dugulako.
