18 eta 30 urte bitartean dituzu, EAEkoa zara edo bertan bizi zara? Esperientzia berrien bila zabiltza? Lurraldez gaindiko proiektu batean parte hartu nahi baduzu hau da zure aukera! Animatu!
Pirinioez gaindiko Gazteen Foroan, parte-hartzaileek beren lurraldeetan bizi diren errealitate desberdinak eta antzematen dituzten beharrak eta gabeziak aurkeztu eta eztabaidatu ahal izango dituzte. Aldi berean, landutako behar eta gabeziak hornitu edo arintzeko neurriak zein ekintzak proposatuko dira elkarren artean partekatzeko. Azkenik hausnarketa zein ekarpen guzti horiek lurralde guzti horietako politikariekin elkartrukatzeko aukera egongo da.
Topaketan parte hartzeko izena eman behar duzu galdetegi honen bitartez. Informazio osoa helarazteko, otsailaren 27an lan-saio telematiko bat egingo da eta parte-hartzaile guztiekin 4 eguneko topaketa nagusi bat egingo da Akitania Berriko Oloron Sainte-Marie herrian, 2024ko martxoaren 21-24 bitartean. Topaketako (bidaia, mantenua, ostatua…) gastu guztiak ordainduko dira.
Foroaren bide orria eta egin beharreko lanak, hurrengo asteetan jakinaraziko dira. 10 pertsonako talde bat sortzea bilatzen da, kopuru hori baino gazte gehiago apuntatuko balira, hautaketa prozesu bat jarriko litzateke martxan.
Proiektu honi buruzko informazio gehiago behar izanez gero, Euskadiko Gazteriaren Kontseiluko partaidetza lan-arloko helbide elektronikora idatz dezakezu: partehartze@egk.eus edo 944 43 61 43 zenbakira deitu.