Aste honetan bertan, Euskadiko Gazteriaren Kontseiluak (EGK) EGK-ko Formakuntza Plana aurkeztu du, gazteen elkartegintza indartzeko, formakuntzaren bitartez laguntza-prozesuak eskainiz.
Formakuntza Planaren bitartez emango diren formakuntza guztiak Euskadiko gazteek garatuko dituzte. Horregatik, Gazte Formatzaileen Poltsarako deialdia ireki da, izan ere, elkartegintzan eta formakuntzak ematen ibilbide luzea duten gazteek osatuko baitute poltsa. Deialdian parte hartzeko, oinarrizko datuak galdetegi baten bitartez bete behar dira.
Formakuntzak gazteek emango dituzte, hau da, gazteek dinamizatuko dituzte oso-osorik, eta formakuntzen edukiak eta metodologiak aldez aurretik adostuko dira EGKrekin, gazte-elkarteen beharren arabera.
Formakuntza emateko aurten eskatuko diren irizpidei dagokienez elkartegintzan esperientzia izateaz gain, arlo hauetako batean ezagutza izatea funtsezkoa da:
- Komunikazioa eta sare sozialak.
- Ikuspegi intersekzionala eta genero-ikuspegia.
- Gizarte-proiektuen kudeaketa.
- Talde-dinamika.
- Osasun mentala.
Aukeratutako gaien araberako profilaz gain, hainbat baldintza komun eta nahitaez bete beharrekoak egongo dira:
- 18 eta 30 urte bitartean izatea.
- Euskadiko elkarteetan esperientzia zabala izatea.
- Formakuntzak euskaraz garatzeko gaitasuna izatea (hala eskatzen bada).
- Dokumentu batzuk aurkeztea, hala nola:
- CV-a.
- Formakuntzaren idatzizko planteamendua, aurkeztutako gaiaren arabera (gehienez 200 hitzetan formakuntzaren azpi-helburuak, edukien laburpena eta 3 aipu bibliografiko esanguratsu garatzea eskatzen da).
- Elkarte bateko kide dela egiaztatzen duen ziurtagiria edo formakuntzarako gaitasuna egiaztatzen duen gutuna (aurretiko formakuntza eman izanaren ziurtagiria, titulazioak…).
- Fakturatu ahal izatea (elkarte baten bidez, autonomo gisa…).
Informazio gehiago nahi baldin baduzu, deitu 944436143 / 688676099 (Aitor) telefonoetara edo idatzi partehartze@egk.eus emailera.