Euskadiko Gazteriaren Kontseiluak (EGK) pasa den martxoaren 9an bere 39. Batzar Orokorra ospatu zuen Donostiako CRAJ eraikinean. Besteak beste, Batzorde Iraunkorra berritu eta Maialen Olabe (Bizkaiko Gaztetxoen Koordinakundea) izendatu genuen presidente bezala beste bi urterako. Honela, dena ondo badoa, bost urte egingo ditu guztira gutxienez. Era berean, elkarteen plataformak EuskarAbentura elkartea onartu zuen kide bezala eta, hemendik aurrera, 58 elkartek osatuko dute EGK.
Egunari buruz gehiago jakin nahi baduzu, albiste honetan duzu informazio guztia. Eta bestela hedabideetara bidalitako oharra irakur dezakezu. Gainera, ohikoa den bezala, unean uneko jarraipena egin genuen sare sozialetan.
EGKren egunerokotasuna jarraitzeko, www.egk.eus webgunean sartu, Piztu! buletinean harpidetu edo Facebook, Twitter eta Instagram orrialdeak jarraitzea gomendatzen dugu.
