Bizi garen gizartearen isla al dira ikasgelak? Ba al dago eskola-segregaziorik Euskadin? Nola eragiten du bizikidetzan? Eskola-segregazioak errealitate izaten jarraitzen du Euskadin, eta gure gizartearen orainari eta etorkizunari zuzenean eragiten dioten ondorioak ditu.
Euskadiko Gazteriaren Kontseiluak (EGK), Eusko Jaurlaritzako Gazteria eta Emantzipazio Zuzendaritzarekin eta Giza Eskubideen eta Biktimen Arretaren Zuzendaritzarekin lankidetzan, gai hori ardatz duen proiektu berri bat aurkeztu du: Euskadiko eskola-segregazioa hainbat ikuspegitatik jorratzen duen dokumentala eta dibulgazio-eskuorria.
- Dokumentalak fenomeno hori barrutik bizi eta aztertzen duten gazteen, profesionalen eta gizarte eragileen testigantzak, gogoetak eta esperientziak biltzen ditu. Haien ahotsen bidez, hobeto ulertuko dugu nola agertzen den segregazioa, zer ondorio dituen eguneroko bizitzan eta zer bide dauden hezkuntza bidezkoagoa eraikitzeko.
- Hainbat gaztek osatutako hausnarketa eta eztabaida taldeen lanaren emaitza da dibulgazio horma-irudia, eta funtsezko informazioa ematen du eskola-segregazioak zer esan nahi duen, zer kausa dituen eta Euskadin zer erronka planteatzen dituen azaltzeko. Hezkuntza-sistema inklusiboago eta bidezkoago baterantz aurrera egiteko proposamenak eta hausnarketak ere jasotzen ditu.
Eskola-segregazioa ezagutzea, horri buruz hausnartzea eta eztabaidatzea ezinbesteko urratsa da gazte guztiek aukera berberak dituztela bermatzeko, haien jatorria edo testuingurua edozein dela ere.
Dokumentala ikustera eta liburuxka kontsultatzera, elkarrizketan parte hartzera eta zure begirada batzera gonbidatzen zaitugu, Euskadi berdinzaleago bat eraikitzeko.
Informazio gehiago nahi izatekotan deitu 688 737 097 (Monica) edo 688 737 133 (Andima) zenbakietara edo idatzi bakea@egk.eus eta hezkuntza@egk.eus helbideetara.