Euskadiko Gazteriaren Kontseiluak (EGK) hainbat errealitate eta helburutatik abiatzen diren gazte boluntarioen arteko ekitaldi bat prestatu du 2024an, elkar ezagutzeko, sarea sortzeko eta haien beharrak partekatzeko. Ekitaldi hau ESN Bilbao, Equipo Europa, AIESEC, Global Shapers, Agharas, AEGEE eta Bosko Taldearekin egindako sare-lanari esker garatu da.
Elkarteen eta boluntarioen errealitateen arteko sare hori egiteak errealitate desberdinak hurbiltzea du helburu, horrela elkar ezagutzea ahalbidetuz. Gainera, boluntariotzaren errealitatearen ikuspegia zabaltzeko ez ezik, elkarrekin egin daitezkeen proiektuak errazteko ere oinarri izan daiteke. Elkarte bakoitzak postu bat izango du; bertan aurkeztu, hitz egin eta pintxo bat eskaintzeko. Elkarte bakoitzak bere pintxoa prestatuko du. Gainera, bingo dinamiko bat antolatuko da lotsak hausteko, giro lasai eta atsegin batean.
Ekitaldia azaroaren 28an, osteguna, izango da La Perrera Espazioan 18:30etatik aurrera. Izen ematea estekaren bitartez egin behar da: https://forms.gle/kRyQ2CBKu2282gsQ6
Informazio gehiago behar izanez gero, deitu 688676099 / 688737133 (Aitor / Andima) telefonora edo idatzi helbide hauetara: partehartze@egk.eus / hezkuntza@egk.eus