Aisialdiaz Bilbon disfrutatzen duten gazteek aisi ereduaren inguruan hausnartu dezaten Euskadiko Gazteriaren Kontseilutik (EGK) #BilboZaintzen galdetegia jarri genuen martxan azaroan. Parte-hartze lan-arlotik gidatutako proiektu honetan, Bilboko Udalarekin koordinatuta, aisialdia aztertu eta zure iritzia jakin nahi dugu.
Ez duzula bete oraindik? Ez galdu aukera!
Nolakoa da Bilboko aisia? Jasangarria iruditzen zaizu?
Zein da zure iritzia Bilbon gazteriak aisialdian dituen praktiken inguruan? Praktika desegokirik identifikatu duzu? Zer egin genezake praktika desegoki hauek desagerrarazteko? Galdera hauek guztiak erantzuteko eta ekarpenak biltze aldera prestatu dugu galdetegia. Ostean ondorioak Bilboko Udalari helaraziko zaizkio eta bide batez galdetegiaren emaitzak gizarteratzea izango da EGKren beste helburuetako bat.
Animatzen zara? Hemen duzu galdetegiaren esteka: https://bit.ly/2D4B2eN
Erantzun galdetegia
Galdetegi hau betetzeko 18-30 urte bitartean eduki behar dituzu eta Bilbon disfrutatu zure aisi eta denbora libreaz.
Informazio gehiagorako: 945 22 06 01/ partehartze@egk.eus