Hezitzailea bazara eta nabigatzerakoan lastoa eta alea banatzeaz nekatuta bazaude… honako hau interesatuko zaizu: Euskadiko Gazteriaren Kontseiluko kide den Itaka-Escolapios Fundazioak baliabide pedagogikoen bilatzaile bat jarri du martxan. Alegia, balore hezkuntzarako google berezia, zazpi kategoriatan sailkatuta: Bakea eta Ez-biolentzia, Bizikidetza, Berdintasuna, Garapen jasangarria, Iparra-Hegoa lankidetza, Baztertuekiko solidaritatea eta Hezkuntza. Zu zeuk deskubritu ezazu. Sartu zaitez http://www.educa.itakaescolapios.org orrialdean.
Irudian ikus dezakezun bezala eskaintza oso interesgarria da:
- Bakea eta ez biolentzia: Helmuga izan baino gehiago edozein helmuga justutara iristeko bidea dira.
-
Garapen jasangarria: Mundua aurkitu dugun baino hobeto uztea.
- Bizikidetza: Besteekin eta besteentzat bizitzea, inor ozta-ozta bizi ez dadin-
- Berdintasuna: Pertsona desberdinak izatea, horixe da gehien berdintzen gaituena
- Iparra-Hegoa lankidetza: Gizadia bat bakarra ez bada, ezin da gizatiarra izan.
- Baztertuekiko solidaritatea: Elkarren beharra dugula ohartu eta horren arabera jokatzea.
- Hezkuntza: Pertsona berriak sustatzea gizarte berria eraikitzeko.