Astialdiak duen presentzia nabarmena da, gehienbat udan, irabazi asmorik gabeko astialdi taldeek eta mugimenduek beren ahalegina bikoizten dute kanpamenduak, udalekuak eta abar antolatzeko. Hala ere, askotan jarduera hauek aurrera eramateko aterpetxe berriak aurkitzea lan neketsua izan daiteke.
Astialdi taldeek askotan adierazitako beharraren ildora, Euskadiko Gazteriaren Kontseiluak (EGK) aterpetxeen zerrenda berritu bat argitaratu nahi du. Horretarako zure laguntza behar dugu. Aterpetxeren bat badaukazu galdetegi hau bete oinarrizko datuekin. Datuak bildu eta egiaztatuko ditugu zerrenda eguneratu bat argitaratu ahal izateko.
Galdetegia betetzeko epea irailaren 16tik 30ra izango da.
Informazio gehiago nahi baldin baduzu, deitu 747442774 (Iratxe) telefonora edo idatzi astialdi@egk.eus emailera.