Gazte-solasaldiak: Zilegi al da erakundeek kirol azpiegituretan miloika euro gastatzea?

Hamar gaztetik lau langabezian gaude. Krisiak hain gogor kolpatzen gaituen egoera honetan… Zilegi al da erakundeek miloika euro gastatzea kirol azpiegituretan? Hauxe da UPV-EHUko Komunikazio Fakultateko ikasleek EGK-ren Gazte Borraste irratsaioko gazte-solasaldietan mahai gaineratu duten eztabaida. Txema Ramírez de la Piscina irakasleak gidatuta, Miren Arrieta, Nerea Arteaga, Joan Aurtenetxe eta Iurgi Arruti izan ditugu solaskide. Solasaldi bizia izan da! Entzun nahi al duzu?