Sumérgete en las actividades de verano organizadas por jóvenes voluntarios/as

Murgildu zaitez boluntario gazteek antolatutako udako ekintzetan!

Hemen dugu udako kanpaina beste urtebetez! Euskal Autonomia Erkidegoko hiru lurraldeetako astialdi taldeetako boluntarioek urtean zehar egin duten lanari esker aukera mordoa izango dira aurten: 69 elkartek antolatuta 120 ekintza; hau da, guztira 10.000 plaza eskaintzen dituzten udaleku, topaketa eta bestelako jardueretan parte hartzeko hainbat posibilitate. Murgildu zaitez boluntario gazteek antolatutako udako ekintzetan!

Guk hiru zerrendetan bildu ditugu ekintza horiek guztiak, lurraldeko zerrenda bat hain zuzen (jarduerak antolatu dituzten taldeen jatorriaren arabera):

Gainera, zerrenda guztiak Interneten ere ikus daitezke Astialdi Foroaren webgunean.

Edozein lurraldeko astialdi taldek antolatutako ekintza aukeratu dezakezu, ez bakarrik zure lurraldeko talde batek eskainitako jarduerak. Dena den, hobe izaten da zure inguruko bat aukeratzea, ondoren nahi izanez gero ikasturtean zehar ere talde horretan parte hartu eta murgildu ahal izateko. Atal honetan agertzen diren datuak udalekuen inguruan erabiltzeko izango dira soilik; ezin izango dira inolaz ere ez produktu edo zerbitzu bat saltzeko helburuarekin erabili.

Informazio gehiago nahi izanez gero hemen daukazu ere Udako Kanpainaren informazio-eskuorria:

Udako kanpainaren triptikoa

Nahi baduzu, komunikabideei bidali diegun oharra irakurri dezakezu ere:

2016ko udako ekintzen prentsa-oharra

Share on FacebookShare on Google+Tweet about this on TwitterShare on LinkedInPin on PinterestEmail this to someone

Iruzkin bat

Zure e-posta ez da argitaratuko. * Eremuak ezin du hutsik egon .